NË KRYEQYTETIN E SHTETIT BRAZILIAN MINAS GERAIS, NË BELO HORIZONTE

Intelektualët vendorë organizuan

një mbrëmje madhështore, për poetin tashmë këtu të njohur dhe shumë të kërkuar kosovar – Engjëll Koliqi-n

Kremten madhështore e ka organizuar organizata e re vendore "Carvalho Agostini Neves CAN – Projetos Internacionais Treinamento Planejamento de Palestras e Conferências Organizaçāo e Acompanhamento de Missões Estrangeiras". Shumë shkrimtarë, gazetarë dhe artistë i kanë dëshiruar mirëseardhjen poetit kosovar, duke i thënë se shkrimet e tij tashmë në Minas Gerais, por edhe në mbarë Brazilin janë shumë të kërkuara, me bindjen se së shpejti do të shohin dritën e botimit shumë libra të Koliqit. Shumë nga autorët vendorë janë befasuar me poezinë "TË ADHUROJ" që Engjëll Koliqi e ka shkruar më 6 maj 2007 në Lecco të Italisë dhe e përkthyer në portugalisht, nga profesoresha Vera Neves, me foton e poetit në sfond, është ekspozuar në këtë mbrëmje, në lokalin e mirënjohur, të quajtur edhe si shtëpi e intelektualëve vendorë "Alexandrina Café Cultura e Moda", ku edhe është organizuar kjo mbrëmje madhështore.

Shkruan: Vera Lucia Alves Neves

Belo Horizonte, 19 maj 2007. – Mbrëmë, në shtëpinë e intelektualëve të Belo Horizonte-s, siç quhet këtu lokali i pronarit Julius Cesar Pereira "Alexandrina Café Cultura e Moda" është organizuar një mbrëmje madhështore dhe e paharrueshme, për ta nderuar rikthimin e poetit kosovar, tashmë të njohur dhe shumë të kërkuar këtu – Engjëll Koliqi, i cili   po vën gurthemelin e përjetshëm të bashkëpunimit të frytshëm zyrtar në të gjitha sferat e jetës e sidomos në lëmenjt e kulturës, të artit dhe të sportit, në mes Brazilit dhe Kosovës, shtetit karakteristik në Ballkan, që këto ditë pritet ta marrë "bekimin dhe pagëzimin zyrtar" nga KS i OKB-së.

Gjithçka ishte përgatitur para se të mbërrij këtu poeti i nderuar, i cili nuk ka ditur asgjë për këtë mbrëmje, derisa ka hyrë në lokalin "Alexandrina", ku ka hasë në miqtë shkrimtarë, gazetarë e artiste, si dhe në poezinë e tij "Të adhuroj", të ekspozuar në mur, në një kornizë speciale, mbi një sfond me foton e tij. As që ka ditur më pare se kjo poezi ishte përkthyer në portugalisht. Ishte me të vërtetë një befasi shumë e këndshme, kur autori mësoi këtu se poezitë e tij po botohen gjithnjë e më shumë nëpër revistat e këtushme letrare dhe se është gjithçka gati për botimin e dy librave të tij poetikë ("Shekulli im quhet dashuri" i përkthyer nga italishtja dhe një përmbledhje e re, që do të dalë në dy gjuhë – portugalisht e italisht, me titullin "Ndjenjë drite".

Siç është shprehur edhe vetë poeti kosovar, për këtë pritje kaq madhështore nuk do t'i kishte besuar as ëndërrbardhës më të bukur. Ai ka thenë se më së shumti është gëzuar për faktin që në këtë mbrëmje ka pasur rastin, që mbas pak më shumë se dy muaj të përqafohet sërish me autorët e poezive dhe të shkrimeve të tjera për fëmijët e Kosovës, gjatë kohës së luftës atje – Beth Fleury dhe João Diniz. Gjithashtu përqafime të gjata, me plot emocione ka pasur edhe me poetët: Viviane Mosé, që i la dhuruar librin e saj "Desato", Vanderleí Lourenço, i cili i dhuroi librin e tij "Quarador", Branca Maria de Paula, e cila ia dhuroi libratr e saj "Um fui de camelo" dhe "Claro escuro", Maria Pereira Cesta, me zëvendëssekretarin e FCS, të ministrisë së kulturës së shtetit Minas Gerais, me poeten e mirënjohur Dagmar Braga e me shumë të tjerë.

Organizuar dhe përgatitur gjithçka bukur nga presidentja e organizatës së re vendore "Carvalho Agostini Neves CAN – Projetos Internacionais Treinamento Planejamento de Palestras e Conferências Organizaçāo e Acompanhamento de Missões Estrangeiras" – profesoresha Vera Neves, poeti Engjëll Koliqi, të gjithë të pranishmëve, që ishin afër njëqind, u ka dhuruar nga një kopje të kësaj poezie të bukur kushtuar qytetit të bukur Belo Horizonte, me nënshkrimin e tij original dhe të përshkuar në një xham special. Një kontribut të madh në mbarëbvajtjen e kësaj mbrëmjeje madhështore, me vezullima kosovare, kanë dhënë edhe themelueset tjera të organizatës së sipërpërmendur – Esmeralda Carvalho dhe Amelia Agostini. Nuk kanë pushuar lavdatat nga të dy anët, qoftë nga organizatorët, qoftë nga mysafirët, për këtë mbrëmje madhështore dhe dinjitoze, që ka nderuar lartë poetin kosovar, por edhe vendlindjen e tij – Stubllën dhe mbarë popullin e Kosovës. Në komplimentet e tyre, shumë shkrimtarë dhe poetë vendorë kanë shprehur bindjen se poeti Koliqi, së shpejti do të korrë shumë çmime të vleshme letrare në Brazil, por edhe në mbarë botën, sepse – siç janë shprehur shumica e tyre – pena e tij është një penë speciale, që din të prekë të gjitha shtresat shoqërore të njerëzimit dhe patjetër në shkrimet e tija, secili njeri, pa marrë parasysh racën, kombin, fenë a rajonin nga vjen, do e gjej vetin dikund. Pra shkrimet e tij janë vlerësuar si shkrime universale që dijnë ta prekin realitetin njerëzor dhe çdo shpirt njeriu, pastaj edhe të të gjitha moshave, siç shprehet shpesh poeti, edhe ata të stinës së pestë.

Zotëri Koliqi, në fjalën e tij falënderuese ka thënë se më i madh është gëzimi i tij për vlerësimet e larta dhe nderimet që këtu i bëhen Kosovës së tij dhe që në kuadër të Kosovës shkon larg e lartë edhe emri i vendilindjes së tij të dashur, siç u shpreh, të Stubllës Krenare. Ai është zotuar se nuk do të ndalet me shkrime, por ka premtuar së shpejti edhe librat re tij publicistikë, në prozë, kushtuar shenjtërve që kanë jetuar në shekulinm tone – Nëna Tereze e Papa Gjon Pali II (Papë Wojtyla), si dhe libra specialë për të rinj dhe për fëmijë. Përfaqësues të shtëpive botuese, të pranishëm në këtë mbrëmje, kanë premtuar se së shpejti do të shohin dritën disa libra të këtij shkrimtari nga Kosova e largët, por që tashmë për ne është e afërt dhe në zemrat e brazilianëve. Edhe masmediat vendore kanë përcjellur këtë mbrëmje të bukur me poetin kosovar dhe sigurisht që do të informojnë opinionin, me këtë befasi të këndshme, në qytetin e bukur dhe pitoresk të Belo Horizonte-s.