NATË MAGJIKE NË APOLLONI

LIRIO NUSHI DUARTROKITET FUQISHËM

Nata “GALA” në qytetin antik të Apollonisë në Fier ka mbledhur gjithë elitën e artit shqiptar dhe të diasporës shqiptare, artistë të mëdhenj nga Greqia dhe i gjithë Ballkani.

Festivali mbarëkombëtar i aktrimit shqiptar ka mbyllur duert e tij për këtë vit me këtë mbrëmje koncertale madhështore duke ndarë përgjatë saj edhe çmimet e mëdha të fituesve.

Kjo natë artistike “me fuqitë hyjnore të perëndisë Apollon”, nën përkujdesjen e zt. Klajdi Marku dhe Adonis Filipi-t ka sjellë nga larg, menjëherë mbas koncertit të tij në Kalabri ku është festuar me madhështi 600 vjetori i lindjes së heroit tonë kombëtar Skënderbeut, kantautorin e mirnjohur tashmë shqiptar LIRIO NUSHI. Me interpretim virtuoz dhe një prezencë skenike shumë impresionuese, Lirio ka fituar që në sekondat e para duartrokitjet e fuqishme të këtij spektatori kaq të zgjedhur të elites sonë artistike mbarëkombëtare shqiptare por edhe të publikut që mbushte plot e përplotë amfiteatrin antik të Apollonisë. Në këtë natë madhështore ishin prezentë: Tinka Kurti, Sulejman Pitarka, Violeta Manushi, Drita Pelingu, Mirush Kabashi, Aleko Prodani, Yllka Mujo, Besa Imami, Lazer Filipi, Liza Laskaj, Albert Veria, Fadil Kraja, Ruzhdi Pulaha, Stefan Çapaliku, artistë nga Shkupi, Kosova, Maqedonia e Mali i Zi, si edhe aktorja greke e ftuar nderi e kësaj nate Eleni Vitali … etj etj, .