ARBITALIA 

Shtëpia e Arbëreshëve të Italisë

La Casa degli Albanesi d' Italia  

DELEGACIONI I KOMUNËS SË VITISË   PËRFUNDOI ME SHUMË SUKSES  VIZITËN NJËJAVËSHE NË ITALI DHE U KTHYENË ATDHE:

Me ndihma dhe projekte entuziaste bashkëpunimi

Engjëll KOLIQI

Lecco, 13 nëntor 2006

            Mbas përfundimit shumë të suksesshëm të vizitës njëjavëshe në Itali, delegacioni i Komunës së Vitisë, i përbërë nga Kryetari i Kuvendit – Z. Musa Misini, nga këshilltari komunal e sekretar i përgjithshëm i PSHDK-së – Sarë Gjergji dhe nga gazetari korrespondent i RTK-së nga rajoni i Gjilanit   - Xhevat Latifi, me shumë entuziazëm për premtimet e marra nga mikpritësit italianë, të shtunën është kthyer në atdhe. 

            Përveç takimeve të tjera, të rëndësishme, me autoritetet vendore në Lecco dhe Treviglio, delegacioni, të enjtën ka pasur dy takime shumë të rëndësishme në Trieste: në selinë e Caritas-it dioçezan, me drejtorin Ravarico dhe në selinë regjionale të Friuli Venezia Giulia të Kryqit të Kuq, me drejtoreshën Adriana Frappi Carbonera. Në tëdy këto takime delegacioni ishte i shoqëruar nga veprimtarja e paepur e çështjes kombëtare, shkrimtarja dhe gazetarja e mirënjohur më shumë si humanitare, që edhe i dha emrin Nëna Tereze e Triestes – Znj. Vitore Stefa-Leka, e cila ka shtruar një drekësolemne për delegacionin, siç bën edhe në raste të tjera me bashkëkombasit.

            Drejtori i Karitasit të Triestës i ka njoftuar mysafirët me veprimtaritë e fundit të kësaj organizme humanitare, kurse delegacioni ynë ka falënderuar mikptirësin për të gjitha ndërhyrjet dhe sistemimet e njerëzve tanë, sidomos gjatë kohës së luftësdhe të periudhëssë menjëhershme të pasluftës. Mikpritësi, në fund,mysafirëve u ka dhuruar nga një libër mbi veprimtaritë e Karitasit rajonal verilindor, në Kosovë,me dëshmi dhe foto nga këto veprimtari dhe ndërhyrje konkrete. Ishte gjithashtu interesant dhe emocionues edhe takimi nëselinë operativetë ACLI-CARITAS, që gjithashtu kapunuar shumë në projektet për Kosovën dhe për mërgimtarët kosovarë këtu. Dëshmi nga këto veprimtari kanë dhënë veprimtarët e vyeshëm dhe të pandalshëm: Denis Lema dhe Tullio Burzachechi. Një takim shumë interesant dhe emocional është zhvilluar në selinë e Kryqit të Kuq, me drejtoreshën Adriana Frappi Carbonera, e cila mbasi ka përcjellur përshëndetjen e presidentit Dr Fulvio di Cosmo, ka njoftuar delegacionin me disa nga veprimtaritë që kjo organizatë ka bërë për Kosovën dhe njerëzit e saj. Gjatë rrëfimit të disa dëshmive, ajo disa herë ka shpërthyer në vaj, nga emocionet që i vinin, duke evokuar kohët e luftës së Kosovës. Në emër të delegacionit, si edhe në emër të të gjithë qytetarëve të Kosovës, Znj. Carbonera e ka falënderuar kryetari i Komunës së Vitisë Musa Misini, i cili edhe e ka ftuar që të vij në Kosovë, pikërisht në Viti,menjë delegacion të Kryqit të Kuq, në mënyrë qëvetë ta shohin gjendjen dhe nevojat e popullatës së atjeshme për ndoj ndërhyrje të mundshme, me motive humanitare. Emocionet i ka shtuar edhe Znj VitoreStefa-Leka, e cila ka bërë shumë me bashkatdhetarët tanë të ardhur këtu, dhe më gjerë. Ajo i thoshte drejtoreshës: "edhepse popullata e Kosovës ka nevojë shumë për ndrërhyrje humanitare, delegacioni sot ka ardhur vetëm për falënderime, e jo për tëkërkuar ndihma..." Mbas falënderimeve, kryetari Misini ka ftuar Kryqin e Kuq të Triestes, që të dërgojë njëdelegacion në vizitë në Kosovë, pikërisht në territorin e Komunës së Vitisë. Znj. Carbonera ka pranuar ftesën me rëndësi dhe ka premtuar ndihma të rëndësishme, sidomos në lëmin e shëndetësisë. Ajo ka paralajmëruar mundësinë e përgatitjes së një qendre të hemodializës në Kosovë, që sipas të gjitha gjasave, do të kompletohet dhe modernizohet ajo e Gjilanit.

            Një takim spontan, por shumë emocionues është bërë me veprimtaren e re humanitare – Monica Fuschia, e cila është shpëtuar nga varësia prej drogës, mu nga Nëna e Madhe Shqiptare – VitoreStefa-Leka, të cilën e konsideroin si nënë tësaj. Ajë i ka rrëfyer delegacionit dëshmi nga çastet vendimtare të jetës së saj, kur e shpëtoi Vitorja, si dhe nga çasti shumë i lumtur dhe i paharruar, kur e ka bekuar Dom Lush Gjergji, në Lecco, me rastin e Ditëvetë Nënës Tereze, në korrik 2003.