Më 26-28 nëntor 2001, në Prizrenin historik – në Prizrenin e dy Lidhjeve mbarëshqiptare (për shqipërinë Etnike), do të mbahet Kongresi i Parë i Lidhjes Shqiptare në Botë (LSHB) – tubimi i parë mbarëkombëtar, në emër kongresi. Kryesia e LSHB-së dhe Këshilli Organizativ i kongresit kanë pohuar se përgatitjet po vejnë për së mbari dhe gjithçka do të jetë e gatshme për fillimin e mbarë dhe për mbarëvajtjen e Kongresit. Mbarë Prizreni, duke filluar nga strukturat shtetërore e shoqërore e deri te fëmijët janë mobilizuar, në mënyrë që t’i presin me dinjitet e në mënyrë madhështore mijëra delegatët e Kongresit të Parë të LSHB-së. Për tubimin mbarëkombëtar, që tashmë shumica e quajnë Lidhja e Tretë e Prizrenit, është përgatitur Pallati i Sporteve, janë përgatitur hotele e restorante, është përgatitur mbarë popullata vendase që t’i presin e t’i nderojnë me traditat tona të shenjta të zgjerdhurit e kombit, nga të cilët edhe presin marrjen e vendimeve historike në dobi të kombit. Nga Prishtina dhe nga Tirana është paralajmëruar pjesëmarrja në kongres e shumë personaliteteve botërore, përfshirë edhe ish presidentin e SHBA-ve Bill Klinton.

Nga të gjitha anët, organizatorëve dhe delegatëve të Kongresit u kërkohet ta ngrehin zërin e arsyes dhe duke e nderuar Kartën e OKB-së e cila njeh dhe sanksionon të drejtën e popujve për vetëvendosje, ta shpallin KURORËZIMIN E SHQIPËRISË ETNIKE. Edhe Kuvendet e Lidhjes Shqiptare në Botë anekënd rruzullit kanë kërkuar që në Platformën e strategjisë kombëtare të sanksionohet kërkesa për shpalljen e Shqipërisë Etnike – e vetmja zgjidhje për paqe, drejtësi e demokraci në Ballkan.

Siç është paralajmëruar, në Kongres do të marrin pjesë përfaqësuesit e të gjitha subjekteve shtetërore, politike e shoqërore nga mbarë bota shqiptare e nga diaspora, përfshirë edhe arbëreshët. Athua përfaqësuesit e institucioneve shtetërore, nga Tirana, nga Prishtina, nga Shkupi, nga Presheva, nga Podgorica… do të guxojnë të pajtojnë dhe të votojnë për vendimin e drejtë dhe të arsyeshëm, të ligjshëm e të natyrshëm – shpalljen e Shqipërisë Etnike, apo do të kundërshtojnë ose do të heshtin, sepse "nuk mund t’i prishin punët me bashkësinë ndërkombëtare", që për hir të kryqëzimit dhe të përmbushjes së shumë interesave të paçta e të fëlliqta, të lara e të palara, mbi tokat tona e mbi kurrizin e kërrusur dhe të thyer të kombit më të vjetër të Ballkanit, që falë atyre interesave jeton i shkapërderdhur në disa shtete, që kanë për qëllim zhdukjen fizike të kombit shqoiptar e gllabërimin e trojeve arbërore?!…

Sidoqoftë, pamarrë parasysh se u pëlqen apo jo ndërkombëtarëve, pa marrë parasysh se rrezikojnë apo jo subjektet institucionale e politike shqiptare, pa marrë parasysh kërcnimet që mund të dalin, duke respektuar Kartën e OKB-së, Kongresi i Parë i Lidhjes Shqiptare në Botë duhet ta shpallë Shqipërinë Etnike. Përndryshe nuk mund të thirremi në Lidhjen eTretë të Prizrenit. Që të jetë – E TRETA E VËRTETA – duhet të merren vendimet historike dhe të prercizohet strategjia e jetësimit të vendimeve. Ndryshe nuk guxon të ndodh!!! Përndryshe kongresi nuk mbahet në shërbim të Kombit, por në shërbim të kryqëzimit të interesave të klaneve sllavo-heleniane me ndërkombëtarët, mbi tokat tona e duke e dërmuar për vdekje kurrizin e kombit tonë!!!

Me fat Kongresi i Lidhjes Shqiptare në Botë!!! Me fat Lidhja e Tretë e Prizrenit – e Treta e Vërteta!!! Me fat Shqipëria Etnike!!! Zoti e bekoftë Shqipërinë!!! Zoti I bekoftë mbarë shqiptarët!!! Zoti e bekoftë paqen botërore dhe mbarë kombet e racart njerëzore!!!