ARBITALIA 

Shtëpia e Arbëreshëve të Italisë

La Casa degli Albanesi d' Italia  

ART NGA MAQEDONIA NE VJENE

tratto da www.kohajone.com

Me pjesemarrjen e nje publiku te shumte, u zhvillua ne ne sallen e aktiviteteve te Oberbank ne Vjene hapja e expozites "Art nga Maqedonia". Kjo ekspozite u zhvillua ne sallen e aktiviteteve te Oberbak ne Vjene dhe u organizua nga Forum Weltoffen, qe drejtohet nga Fatmir Velaj. Me kete rast ishin te ftuar 5 artiste nga Maqedonia, pjesetare te etnive te ndryshme. Ata ishin Flora Emurlai, Denis Tenev, Ibrahim Bedi, Reshat Ameti dhe Pavle Kuzmanovski.Secili prej tyre paraqiti nga 5-6 punime.

Ekspozita "Art nga Maqedonia" ishte nen patronazhin e koordiantorit te paktit te stabilitetit,        Dr. Erhard Busek, dhe u zhvillua ne mbyllje te dites informative mbi Maqedonine, organizuar nga IDM - Instituti per Danubin dhe Evropen Qendrore dhe Juglindore ne bashkepunim me ambasaden e Maqedonise ne Vjene.

Ne hapjen e ekspozites, drejtori i Oberbankut Dr. Richard Fröhlich tha se ishte shume i lumtur qe ne ambientet e bankes se tij te kishte mundesine te prezantonte nje vend si Maqedonia dhe gjithashtu ishte nje kenaqes per te, t'u jepte mundesine artisteve kaq te talentuar te paraqisnin veprat e tyre.

Ne emer te institutit IDM, foli Dr.Othmar Huber i cili tha : "Kjo dite per Maqedonine organizohet perpara nje udhetimi qe IDM do te organisoje ne Maqedoni ne maj te ketij viti. Ky udhetim do te sherbeje edhe si thellim i njohurive mbi Maqedonine dhe keto njohuri qe ne do te mbledhim atje do t'ja paraqesim publikut austriak. Gjithashtu une kisha kenaqesine qe bashkepunova me Forum Weltoffen qe e ka vertetuar ne shume raste se eshte nje partner i denje".

Me vone e mori fjalen ambasadori i Maqedonise ne Vjene, z. Aleksander Tavciovski.

Zoti Tavciovski beri nje paraqitje te Maqedonise dhe u ndal ne shume aspekte te zhvillimeve ekonomike, kulturore e europiane te vendit te tij.
Ai tha se Maqedonia eshte nje vend i pasur ne histori dhe personalitete te historise, kultures etj. Me kete rast, ai permendi qe nga Aleksandri i Madh i Maqedonise, por edhe te tjere, qe per mendimin e tij kane luajtur nje rol te madh ne zhvillimin e Maqedonise por edhe ate europian e me tutje. Ai tha se Maqedonia eshte nje vend i pasur edhe ne objekte kulturore duke permendur ketu kishat ortodokse dhe objekte te tjera te kultit si xhami etj.

"Por fatkeqesisht, ne mediat europiane,- tha ai- kur eshte rasti per Maqedonine, flitet vetem atehere kur ka konflikte nderetnike ose probleme te ndryshme dhe anet pozitive te Maqedonise nuk permenden".
Maqedonia eshte nje shtet pluralist dhe te gjitha grupet etnike jane te perfaqesuara ne parlament nepermjet perfaqesuesve te tyre legjitime. ....Maqedonia luajti nje rol rendesishem gjate luftes ne Kosove dhe pranoi ne vend me shume se 300.000 emigrante.

Maqedonia eshte nje pjese perberese e Europes dhe i ka vene si qellim vetes te hyje dhe Europen e bashkuar dhe per kete qellim do te marre te gjitha reformat qe te permbushe kriteret qe duhen per te hyre ne te. Pikerisht ne diten qe Maqedonia do te paraqiste kerkesen ne Dublin per te hyre ne Europe, ndodhi fatkeqesia me e madhe ne historine e re te saj, ajo e vdekjes se presidentit te republikes, Boris Trajkovski, i cili ishte nje personalitet i madh dhe qe ka luajtur nje rol te rendesishem ne integritetin e vendit dhe nje personalitet me visione europiane. Une jam i bindur- tha ai se rruga e ndjekur nga Trajkovski do te ndiqet me konsekuence per te ardhmen a Maqedonise.

Pyetjes se nje shqiptari nga Maqedonia se ne referat nuk u fol shume per kulturen qe Turqia kishte lene ne Maqedoni, ai iu pergjigj me nje po. "Eshte e vertete se ne Maqedoni gjate pushtimit turk ka pasur edhe zhvillime kulturore".

Pastaj e mori fjalen Fatmir Velaj, i cili iu drejtua ambasadorit: "Shume i nderuari z. ambasador! Ju folet per vendin tuaj dhe moret shembull shume personalitete qe per mendimin tuaj kane luajtur nje rol te rendesishem ne histori, kulture e gjuhesi. Kam pershtypjen se ju gabimisht keni harruar te permendni ne referatin tuaj te gjate nje nga personalitetet me te medha te historise boterore nje person qe ka lindur ne Shkup dhe me sa di une nga nje familje shqiptare. Ju keni edhe ne qender te qytetit nje statuje te madhe te saj, emri i se ciles eshte Nene Tereza"

Me vone u be nje prezantim i udhetimit qe IDM do te zhvilloje ne Maqedoni.

Ne oren 19.30 u be hapja e ekspozites artistike nga Maqedonia. Ne pershendetjen qe beri z. Hannes Heissel nenvizoi se ishte kenaqesi per te te bashkepunonte me Forum Weltoffen, i cili mundesoi te organizonte dhe te paraqiste nje Maqedoni te pasur jo vetem ne kulture por edhe ne ngjyra dhe teknika artistike."

Ne emer te Ministrise se Puneve te jashtme te Austrise pershendeti shefi i seksionit te kultures ambasadori Dr. Emil Brix. Ai tha se shkembimet kulturore ndermjet Austrise dhe Maqedonise jane te kenaqshme dhe se Austria para dy vjetesh hapi dhe nje biblioteke austriake ne Bitole(Manastir). Gjithashtu, ai ishte i gezuar qe mundesoi Forumin Weltoffen ne vitin 2002 te organizonte ne Shkup ekspoziten internacionale "Arti permireson kohen" dhe me pjesemarrjen e shume artisteve nga etnite e ndryshme ne Maqedoni. Ai ishte i lumtur qe sot kish mundesine te shikonte perseri artiste te talentuar nga Maqedonia dhe per kete falenderoi organizatorin e ketij aktiviteti, z. Fatmir Velaj.

Mbylljen e pershendetjeve e beri Fatmir Velaj i cili theksoi se mbi pervojat e mbledhura ne Maqedoni paa dy vjetesh u realizua edhe aktiviteti i sotem ne Vjene i cili paraqet jo vetem artiste te talentuar si Flora Emurlai, Denmis Tenev, Reshat Ameti, Ibrahim Bedi dhe Pavle Kuzmanovski duke i ftuar ata te vinin ne podium por ai paraqet sot nje Maqedoni te pasur me personalitete arti te cilet jane te denje te paraqisin vlerat e tyre me te mira kulturore te shoqerive te cilave ju perkasin.