ARBITALIA 

Shtëpia e Arbëreshëve të Italisë

La Casa degli Albanesi d' Italia  

NENE TEREZA

MADRE TERESA

Shumë e shumë janë njerëzit - në të katër anët e botës - që kur e përmendin emrin e Nënës Tereze, luajnë vendit, në shenjë nderimi për këtë bijë shqiptare, e cila me shenjtërinë e saj e dëshmoi, desira ishte gjallë në këtë botë, me dashurinë e madhe ndaj njerëzimit mbarë e sidomos ndaj njeriut nevojtar - të sëmurë, të varfër, të braktisur... Pra, jorastësisht kjo bijë shqiptare, e njohur dhe e pranuar Nënë në mbarë botën, do të shpallet dhe do të njihet SHENJTËRESHË E DASHURISË !!!

Qeveria e IRJ të Maqedonisë, vetëm për faktin se Nëna Tereze ka lindur në Shkup (aktualisht kryeqytet i kësaj republike) ka vendosur që të ngris përmendoren e Shenjtëreshës në një nga sheshet e Romës, duke u përpjekur kështu që ta bindin botën se Nëna Tereze ishte bijë sllavomaqedonase !!!

Tashmë kur shtresa intelektuale e njerëzimit mbarë e ka kuptuar se Nëna e botës mbarë - Shën Tereza është bijë shqiptare dhe nder i kombit tonë, ne kemi për detyrë që këtë fakt ta bëjmë të njohur edhe për njeriun e thjeshtë - për çdo njeri të rruzullit tokësor. Ky edhe ishte qëllimi kryesor i organizimit të Manifestimit Ndërkombëtar «BIJA SHQIPTARE - NËNA E BOTËS MBARË - SHENJTËRESHA E DASHURISË», që do të realizohet më 12 e 13 korrik në Lecco.

dëshmitë e shenjtërimit të Bijës Shqiptare, dhe të katër ligjëruesit (Don Valentino Salvoldi, Antonella Lucchini, Adriano Stasi e Don Lush Gjergji) kanë titullin doktor shkence, edhepse në broshurën e programit, në shenjë përvuajtërie ndaj Shenjtëreshës, kanë kërkuar që të mos u shkruhet titulli DR para emrit të tyre !!!

Përfaqësuesit e institucioneve shtetërore e kishtare italiane dhe ata të organizatave joqeveritare, me kënaqësi të madhe kanë pranuar ftesat, duke deklaruar se ndjehen të privilegjuar që mund të marrin pjesë në këtë manifestim kushtuar Shën Terezës Shqiptare, të organizuar nga bashkëkombasit e Saj !!!

Programi kulturo-artistik e sportiv do të realizohet nga grupe e skuadra kulturo-artistike e sportive, jo vetëm shqiptare. Vijnë këngëtarë shqiptarë të njohur nga Kroacia (Lajde Mjeda e Shtjefën Dodes), vjen nga Shqipëria rapsodi i mirënjohur e i dëshmuar - kantautori - Gjon Frroku, nga Kosova - Gëzim Demaj, vjen grupi artistik italian «Rosy-Salvi-Marco» - grup komik i kombinuar nga Mantova e Grosseto, vijnë grupet artistike indiane e afrikane.... Edhe skuadrat për turneun e futbollit janë: shqipètare, italiane, afrikane... Do të flasë mjaft edhe ekspozita me portretet e Nënës Tereze, kryesisht me vizatime të fëmijëve. Janë të shumta dhe poezitë kushtuar Nënës Tereze, që këto ditë po na vijnë në postën elektronike, nga mbarë bota shqiptare !!!

Shoqata Nëna Tereze në Lecco dhe QKIKH Albeuropa kanë vendosur që: për pikturat me portretin e Nënës, për këngët, për poezitë dhe për skuadrat më të mira sportive, të japin Çmimin NËNA TEREZE !!! Të shtunën në darkë dhe të dielën në drekë do të shtrohet tryeza e pasur për qindëra pjesëmarrës, me ushqime e me pije, të ofruara nga organizatorët.

Ofertat që të pranishmit i dhurojnë (në kutinë speciale) nuk preken për shpenzime, por të gjitha u dhurohen fëmijëve jetimë dhe të sëmurë të Kosovës - u dhurohen nevojtarëve, siç na ka mësuar Nëna Tereze !!!

Kush do të na ndihmojë në mbulimin e shpenzimeve, që sipas parashikimeve kalojnë shifrën prej 10.000 €uro, kontributet e tyre mund t'i derdhin në konton bankare të Qendrës Albeuropa, që e keni marrë ditë më parë. Edhe tepricat e rastësishme nga kontributet do të derdhen në fondin e fëmijëve nevojtarë !!!

Massmediat italiane po shfaqin interesim të jashtëzakonshëm për manifestimin. Përveç shtypit lokal, që tashmë ka botuar artikujt e parë, për ta përcjellur manifestimin kanë shfaqur interesim edhe dy qendrat kryesore radiotelevizive italiane (RAI e MEDIASET), gazetat e revistat "Corriere della Sera", "La Repubblica", "Il Giornale", "Il Resegone", "Famiglia Cristiana", "Panorama", "La Provincia", "Ecco di Bergamo" etj.

Do të botohet libri (buletini) i manifestimit - me të gjitha temat shkencore, përshëndetjet e pjesëmarrësve, por edhe të atyre që nuk mund të vijnë e na i dërgojnë me postë ose me internet apo me fax, poezitë, këngët.... në dy gjuhë (shqip e italisht), parashihet një libër me mbi 500 faqe, në dhjetëramijëra kopje, për t'u shpërndarë në mbarë Italinë dhe në mbarë botën shqiptare !!!

Duke e pasur parasysh rëndësinë e madhe, shpresoj se nuk do të na mungojë ndihma e bashkëkombasve nga mbarë bota!!! Edhe sensibilizimi, duke i njohtuar të gjithë miqtë me këtë projekt tonin, është ndihmë e çmueshme.

Kontributet nga Italia:

C.C.I.C.U. Albeuropa

Credito Valtellinese - Sede di Lecco

C/C 23105/19

ABI 5216 CAB 22900

Kontributet nga vendet tjera:

C.C.I.C.U. Albeuropa

Credito Valtellinese - Sede di Lecco

Cod. Countr. IT

CHECK DIGIT 41

COORDINATA BANC. NAZ. MO5216229000000000023105

ABI 05216 CAB 22900 Nr. Raporto 23105

Deri tash kanë hyrë 250 €uro, të dërguara nga miqtë italianë

Me nderime e me respekt për të gjithë - në emër të Këshillit Organizativ - Engjëll Koliqi